Samstarfsaðilar verkefnisins
EP Power Minerals GmbH (EPPM) er hluti af EPH-samstæðunni og innan hennar er það hlutverk fyrirtækisins að sjá um stjórnun aukaafurða frá orkuverum. Aukaafurðir kolaorkuvera eru aðallega flugaska, botnaska, brennisteinshreinsun brunagass (FGD), gifs og kolagjall. Energetický a průmyslový holding (EPH) er öflug fyrirtækjasamstæða í Mið-Evrópu sem á og rekur félög í Tékklandi, Slóvakíu, Þýskalandi, Ítalíu, Írlandi, Bretlandi, Frakklandi og Sviss. EPH er samþætt orkufyrirtæki sem nær yfir alla virðiskeðjuna, allt frá skilvirkri samvinnslu raf-og varmaorku ásamt geymslu og flutningi á jarðgasi, til dreifingar og afhendingar á gasi-, hita- og raforku. Starfsemi samstæðunnar felur einnig í sér viðskipta- og flutningakerfi; stjórnun gasinnviða og fasteignaþróun.
EFLA er almennt verkfræði- og ráðgjafarfyrirtæki með aðsetur á Íslandi með víðtæka alþjóðlega starfsemi og ráðgjöf sem veitir hágæða þjónustu um allan heim.
Viking Park Iceland ehf. er staðsett á suðurströnd Íslands, skammt frá Vík í Mýrdal. Víkingagarðurinn er á sögulega mikilvægum stað sem er meðal annars þekktur fyrir fallegar svartar strendur, Hafursey, Kötlujökul, Gígjagjá (Yoda cave) og Hjörleifshöfða sem fær nafn sitt frá landnámsmanninum Hjörleifi Hróðmarssyni, fóstbróður Ingólfs Arnarsonar.
